Veterinariya meditsinasi

Veterinariya meditsinasi - 60840100

Daraja: Bakalavr
Ta’lim shakli: Kunduzgi
O‘qish muddati: 5 yil
Ta’lim tizimi: Kredit-modul tizimi

Veterinariya meditsinasi bakalavriat dasturi hayvonlar salomatligini muhofaza qilish, kasalliklarning oldini olish, tashxislash, davolash hamda veterinariya-sanitariya xavfsizligini ta’minlash sohasida yuqori malakali mutaxassislarni tayyorlashga qaratilgan.

Ta’lim jarayoni xalqaro veterinariya ta’limi tamoyillari asosida tashkil etilgan bo‘lib, zamonaviy nazariy bilimlar va amaliy ko‘nikmalarning uyg‘unligini ta’minlaydi. Dastur veterinariya tibbiyoti, diagnostika, terapiya, jarrohlik, akusherlik, epizootologiya, oziq-ovqat xavfsizligi hamda zoonoz kasalliklarni nazorat qilish kabi muhim yo‘nalishlarni qamrab oladi.

O‘quv dasturi European Association of Establishments for Veterinary Education (EAEVE) standartlari asosida ishlab chiqilgan hamda xalqaro akkreditatsiya talablariga mos ravishda amalga oshiriladi. Talabalar zamonaviy laboratoriyalar, veterinariya klinikalari, ilmiy markazlar va ishlab chiqarish korxonalarida amaliy mashg‘ulotlar o‘tash imkoniyatiga ega bo‘ladilar.

Bitiruvchilar veterinariya klinikalari, diagnostika markazlari, chorvachilik korxonalari, davlat veterinariya xizmatlari, ilmiy-tadqiqot institutlari hamda xalqaro tashkilotlarda faoliyat yuritishlari mumkin.