Amaliy matematika

Amaliy matematika bakalavriat ta’lim yo‘nalishi matematikaning nazariy usullarini amaliy masalalarni yechish, jarayonlarni modellashtirish va zamonaviy axborot texnologiyalarida qo‘llashga qodir mutaxassislarni tayyorlashga yo‘naltirilgan. Ta’lim jarayonida matematik analiz, algebra, differensial tenglamalar, ehtimollar nazariyasi, matematik statistika, sonli usullar, optimallashtirish, matematik modellashtirish, dasturlash va ma’lumotlarni tahlil qilish fanlari o‘rgatiladi. Talabalar real jarayonlar uchun matematik modellar yaratish, hisoblash algoritmlarini ishlab chiqish, dasturiy vositalardan foydalanish va amaliy muammolarni ilmiy asosda tahlil qilish ko‘nikmalarini egallaydilar. Bitiruvchilar axborot texnologiyalari kompaniyalari, bank va moliya tashkilotlari, sanoat korxonalari, ilmiy-tadqiqot markazlari, ta’lim muassasalari hamda tahliliy va konsalting tashkilotlarida faoliyat yuritishlari mumkin.