Amaliy san’at (memoriy yodgorliklar bezagini ta’mirlash)

Amaliy san’at (me’moriy yodgorliklar bezagini ta’mirlash) bakalavriat ta’lim yo‘nalishi tarixiy me’moriy obidalar bezaklarini o‘rganish, ularni saqlash, tiklash va ta’mirlash bo‘yicha nazariy hamda amaliy bilimlarni shakllantirishga yo‘naltirilgan. Dastur davomida talabalar amaliy san’at turlari, naqsh va bezak kompozitsiyasi, restavratsiya texnologiyalari, materialshunoslik, chizmachilik va madaniy meros obyektlari bilan ishlash ko‘nikmalarini egallaydilar.

Mazkur ta’lim yo‘nalishi bitiruvchilari restavratsiya tashkilotlari, madaniy meros obyektlari, muzeylar, arxitektura va dizayn muassasalari, ta’lim tashkilotlari hamda amaliy san’at ustaxonalarida faoliyat yuritishlari mumkin. Dastur tarixiy obidalar bezagini ilmiy asosda tiklay oladigan, milliy amaliy san’at an’analarini davom ettira oladigan va madaniy merosni asrashga hissa qo‘sha oladigan malakali mutaxassislarni tayyorlashga qaratilgan.