Axborot-kommunikatsiya texnologiyalari sohasida kasb ta’limi

5350300 - “AKT sohasida iqtisodiyot va menejment” bakalavriat ta’lim yo‘nalishi – fan va texnika, ishlab chiqarish va xizmat ko‘rsatish sohasidagi mutaxassislik bo‘lib iqtisodiyot va menejment sohasiga axborot-kommunikatsiya texnologiyalarini qo‘llash, zamonaviy va axborotlashgan iqtisodiyotni rivojlantirish, bilan bog‘liq kompleks masalalar majmuasini qamrab oladi. Kasbiy faoliyat sohalarining ishlab chiqarish va xizmat ko‘rsatish, davlat va xususiy sektor, ya’ni turli korxona va tashkilotlar ob’ektlarida axborot texnologiyalarini qo‘llash, inson resurslarini boshqarish, ishlab chiqarish jarayonlari va resurslarini rejalashtirish, bo‘lishi mumkin bo‘lgan xavf-xatarlarni tahlil qilish, soliq, pul-kredit munosabatlarini tahlil qilish, ishlab chiqarish va xizmat ko‘rsatishda sifatni baholash va uning mexanizmlarini tahlil qilish, ishlab chiqish, xizmat ko‘rsatishda operatsion va strategik boshqarish usullarini , boshqaruv tamoyillarini qo‘llash, marketing tadqiqotlari olib borishda axborot-kommunikatsiya texnologiyalarini tadbiq qilish, IT iqtisodiyot, iqtisodiyotning makro-mikro darajasini o‘rganish, mahsulotlarni yetkazib berishda elektron texnologiyalardan foydalanishning zamonaviy usullari kabi kasbiy faoliyati turlari bilan shug‘ullanadi.