Endokrinologiya

Endokrinologiya 

Endokrinologiya bo‘yicha klinik ordinatura endokrin tizim kasalliklarini tashxislash, davolash va oldini olish sohasida yuqori malakali shifokorlarni tayyorlashga qaratilgan oliy tibbiy ta’limdan keyingi ta’lim dasturidir. Ushbu yo‘nalish qalqonsimon bez, oshqozon osti bezi, buyrak usti bezlari, gipofiz va boshqa ichki sekretsiya bezlari faoliyati bilan bog‘liq kasalliklarni o‘rganishni qamrab oladi.

Ta’lim jarayonida ordinatorlar qandli diabet, qalqonsimon bez kasalliklari, semizlik, metabolik buzilishlar va gormonal muvozanatning buzilishlarini aniqlash hamda davolash bo‘yicha nazariy bilim va amaliy ko‘nikmalarga ega bo‘ladilar. Shuningdek, ular zamonaviy laboratoriya va instrumental diagnostika usullaridan foydalanish, gormonal tahlillar natijalarini baholash, individual davolash rejalarini ishlab chiqish va endokrin kasalliklarning asoratlarini oldini olishni o‘rganadilar.