Dasturiy injiniring

Bizning kafedramiz nazariy va amaliy fanlar orqali hisoblash, axborot va avtomatlashtirish sohalarida bilim beradi. Nazariy fanlar qatoriga algoritmlar, hisoblash nazariyasi va axborot nazariyasi kiradi; amaliy fanlar esa apparat va dasturiy ta'minotni loyihalash hamda joriy etishni o‘z ichiga oladi. Har bir yo‘nalish dasturlash, kriptografiya va xavfsizlik masalalarini ham qamrab oladi. Batafsilroq aytganda, dasturlash tillari nazariyasi hisoblash jarayonini tasvirlashning turli usullarini o‘rgatsa, ma’lumotlar bazasi ma’lumotlarni boshqarish masalalariga qaratilgan. Operatsion tizimlar, tarmoqlar va o‘rnatilgan tizimlar (embedded systems) murakkab tizimlarning ishlash tamoyillari va loyihalanishini o‘rgansa, kompyuter arxitekturasi kompyuter komponentlari va uskunalarining tuzilishini tavsiflaydi. Kompyuter tuzilishi va algoritmlarni ishlab chiqishga asoslangan sun’iy intellekt hamda mashinali o‘qitish bugungi kunda informatikaning asosiy qismiga aylangan. Ular kompyuter ko‘rish (computer vision) hamda matnli va lingvistik ma’lumotlarni tushunish va qayta ishlash uchun tabiiy tilni qayta ishlash sohalarida qo‘llaniladi.