Xalqaro munosabatlar

Xalqaro munosabatlar (60310200) bakalavriat ta'lim yo‘nalishi bo'lib, Islom iqtisodiyoti va xalqaro munosabatlar fakulteti orqali tashkil etilgan. Xalqaro munosabatlar yo‘nalishi talabalarni davlat, xususiy va notijorat sektorlarida xalqaro martaba uchun tayyorlaydi. Shuningdek, mamlakatimizning xorijiy davlatlar bilan aloqa olib boruvchi boshqa muassasalari, chet mamlakatlardagi elchixonalari hamda xalqaro tashkilotlar uchun yuqori malakali kadrlar yetkazib beradi.

Xalqaro munosabatlar  - gumanitar fanlar ta'lim sohasidagi yo‘nalish bo‘lib, bakalavrlar ichki va tashqi siyosiy faoliyat bilan bog‘liq jarayonlarni o‘zlashtirish va tadqiq qilish, istiqbolni belgilash jarayonlarini tahlil qilish, sintezlash va optimallashtirish, ilg‘or xalqaro metodlarini qo‘llash, tashqi siyosiy jarayonlar bo‘yicha tizimli tahlil modellarini qo‘llash, kompyuter texnologiyalari va dasturlash, tizimli yondashuv mexanizmlarini tatbiq etish kabi kasbiy faoliyat turlarini qamrab oladi.

• Tashqi siyosiy faoliyat bilan bog‘liq davlat boshqaruv organlari tizimi;
• O‘zbekiston Respublikasining xorijiy davlatlardagi diplomatik vakolatxonalari va konsullik muassasalari;
• Xorijiy davlatlarning O‘zbekiston Respublikasidagi diplomatik vakolatxonalari va konsullik muassasalari;
• Vazirliklar, davlat qo‘mitalari, hokimliklar va boshqa davlat idoralari, muassasalarining xalqaro boshqarma va bo‘limlari;
• Xalqaro tashkilotlar;
• O‘zbekiston Respublikasining xalqaro tashkilotlardagi vakolatxonalari va xalqaro tashkilotlarning O‘zbekiston Respublikasidagi vakolatxonalarida kasbiy faoliyatni amalga oshirishlari mumkin.

Fakultetda O’zbekistonning tajribali professor-o‘qituvchilari, shu bilan birga, taniqli siyosatchilar, iqtisodchilar, xorijiy elchilar va jamoat arboblari muntazam ravishda ma’ruzalar o‘qiydilar.