Maktabgacha ta’lim

Tashkent International Universityda Maktabgacha ta’lim yo‘nalishi zamonaviy pedagogik yondashuvlar asosida yuqori malakali mutaxassislarni tayyorlashga qaratilgan.

Ta’lim jarayonida talabalar bolalar rivojlanishi, yosh psixologiyasi va ularning individual xususiyatlarini chuqur o‘rganadilar. Dastur bolalarning intellektual, ijtimoiy va emotsional rivojlanishini qo‘llab-quvvatlaydigan ta’lim jarayonini samarali tashkil etish ko‘nikmalarini shakllantiradi.

Dastur doirasida talabalar quyidagi kompetensiyalarni egallaydilar:
— zamonaviy didaktik materiallar yaratish
— innovatsion va interaktiv o‘qitish metodlarini qo‘llash
— bolalarda ijodkorlik, muloqot va tanqidiy fikrlashni rivojlantirish
— inkluziv va bolaga yo‘naltirilgan ta’lim muhitini tashkil etish

Shuningdek, bitiruvchilar maktabgacha ta’lim muassasalari bilan bir qatorda maktabdan tashqari ta’lim tizimlarida, kasbiy ta’lim muassasalarida ham faoliyat yuritishlari hamda ijtimoiy-gumanitar yo‘nalishlarda ilmiy tadqiqotlar olib borishlari mumkin.

Kasbiy faoliyat yo‘nalishlari:

Bitiruvchilar quyidagi yo‘nalishlarda ishlashlari mumkin:
— maktabgacha ta’lim tashkilotlarida tarbiyachi va pedagog
— maktabdan tashqari ta’lim muassasalarida o‘qituvchi
— kasbiy va o‘rta maxsus ta’lim muassasalarida mutaxassis
— metodist, loyiha koordinatori yoki ta’lim dasturlari ishlab chiquvchi
— ilmiy-tadqiqot muassasalarida tadqiqotchi
— ta’lim boshqaruvi va davlat tashkilotlarida mutaxassis