Marketing

Ta’lim yo‘nalishi tavsifi

70411201 – Marketing magistratura mutaxassisligi bozor iqtisodiyoti sharoitida marketing strategiyalarini ishlab chiqish, iste’molchilar xulq-atvorini tahlil qilish, raqamli marketing vositalaridan samarali foydalanish hamda korxona va tashkilotlarning raqobatbardoshligini oshirish bo‘yicha yuqori malakali mutaxassislarni tayyorlashga yo‘naltirilgan. Mutaxassislik marketing faoliyatini ilmiy asosda tashkil etish va boshqarish bilan bog‘liq masalalarni qamrab oladi.

Tarkib va o‘quv rejasi

Ta’lim jarayonida magistrantlar:

• Marketing nazariyasi va metodologiyasi;
• Strategik marketing;
• Marketing tadqiqotlari;
• Raqamli marketing;
• Brend menejmenti;
• Iste’molchilar xulq-atvori;
• Xalqaro marketing;
• Marketing kommunikatsiyalari;
• Marketing tahlili va prognozlash;
• Biznes analitika;
• Ilmiy tadqiqot metodologiyasi;
• Ilmiy-pedagogik faoliyat

yo‘nalishlarida bilim va ko‘nikmalarni egallaydilar.

Dasturni o‘rganish natijalari

Dasturni muvaffaqiyatli tamomlagan magistr:

• marketing strategiyalarini ishlab chiqish va amalga oshirish;
• bozor kon’yunkturasini tahlil qilish;
• marketing tadqiqotlarini o‘tkazish;
• raqamli marketing vositalaridan samarali foydalanish;
• korxonalarning marketing faoliyatini boshqarish;
• ilmiy tadqiqotlar olib borish va natijalarini amaliyotga tatbiq etish

ko‘nikmalariga ega bo‘ladi.

Karyera imkoniyatlari

Mutaxassislik bitiruvchilari:

• marketing menejeri;
• marketing bo‘limi rahbari;
• brend menejeri;
• marketing tahlilchisi;
• raqamli marketing mutaxassisi;
• konsalting kompaniyalari mutaxassisi;
• oliy ta’lim muassasalari o‘qituvchisi va tadqiqotchisi

sifatida faoliyat yuritishlari mumkin.